Evangile en créole du 06 juin 2024
Mercredi 05 juin 2024 Mc 12, 18-27
Lèr la, bann Sadducéens,
- Bann sak i di la poin pa la rézirèksion-
La vni oir Jésus, Poz so k »stion la :
«Mait, Moïse la di anou ; si in moune na in frère i mor, i lès in madame, i lès pa
zanfan, li doi marié ansanm lo vèv pou sèy fé in désandans pou son frèr.
Lavé sept frèr ;
lo promié la marié, li lé mor san lès in désandans,
lo dézièm lamarié ansanm lo vèv, li lé mor san sésandans.
Lo troisièm parèy .Okèn rant lé sept la lès in désandans.
An dérnié, apré zot toute, lo madam lé mor ossi.
Lèr la rézirèksion, lèr zot va résisité, kissa èl i sora lo madam,
pars, lé sept nora aoir aèl konm madam ?
Jésus la di azot :
« Eské zot la pa an trinn pèrd azot, lèr zot i koné pa l’Ekritir ansanm puissans
Bondié ?Lèr i résisite an parmi lo mor, i pran pa ni fanm, ni mari,
solman lé konm lo bann zanj dann sièl é Sa, dsi lo fèt, lo mor i résisite,
zot la pa lir dann liv Moïse, dann lo passaj titouff piéd boi an fé
Koman Bondié la di Moïse :
« A moin, moin Bondié Abraham, Bondié Isaac,Bondié Jacob ?
Li la pa Bondié lo mor, li Bondié bann sak lé vivan,
Zot la pèrd shomin pou vréman. »
©jean volsan
