Evangile en créole du 04 juin 2024
Mardi 04 juin 2024 Mc 12, 13-17
Lèrla,
La anvoy pou Jésus, bann pharisiens, ansanm bann partizan Hérode
mète Jésus dann in gob, èk son prop kozman;bann na la vni di Jésus:
« Mait, nou koné : ou lé toultan vré ; ou lès pa ou détourné par pèrsonn,
pars, lé pa dapré zot laparans ou konsidèr domoun, ou !
Solman, ou amonte shomin Bondié dapré la vérité.
Lé pèrmi, oui ou non pèy limpo César, lamprèr ? Nou doi péyé oui ou non ?
Solman , Jésus, té i koné zot lipokrizi, la di :
« Pou kossa zot i vé mèt amoin dann in las ? Fé oir amoin in piès larjan la va. »
Zot la amèn inn, Jésus la di azot :
« Sa portré la, sa, sak lé marké la, kissa la fé sa ?
« sa César sa, » zot la réponn.
Jésus la di azot :
« Sak lé César, rann César, rann Bondié sak lé Bondié. »
Zot la arèt bien éstomaké dovan Jésus.
©jean volsan
