Evangile en créole du 31 mai 2024
Vendredi 31 mai 2024 Lc 1, 39-56
Lèr la , Marie la pran son shomin, èl la parti vitman dirèksion bann montagn,
dann in vil la Judée laba.
El la rant dan la kaz Zacharie, èl la di bonjour Elisabeth.
La, lèr Elisabeth la antandi lo bonjour Marie, lo zanfan la bouj-boujé for dann son vant.
Alorse, Elisabeth la rampli l’Esprit saint, èl la kri for :
« Ou lé béni Marie, rannt toute lé fanm, zanfan ou porte lé béni.
Par koman, la donn a moin, lo momon mon sénièr i vien ziska moin ?
Pars, lèr parol out bonjour la ariv dann mon zorèy, zanfan mi porte la la sot an lèr kontantman.
Binérèz sak la kroir, noré arivé, so bann parol parol lo sénièr la di aèl. »
Alorse, Marie la di :
« Mon lam i mèt an lèr lo sénièr ;Sot an lèr mon léspri pou Bondié, mon sovèr !
Li la pansh si son pti sèrvant ;Astèr tout domoun va kri amoin bienérèz.
Lo puisan la féd mèrvèy pou moin ; son nom lé saint !
Son mizérikord, i étann dopi toultan si bann sak na rèsp pou li.
Détann la fors son bra, li fane lo bann sak i mèt zot lorguèy dovan.
Li shavir bann roi ansanm zot tron, li mèt an lèr bann plip ti
Li donn lo bien bann sak la fin, fé artourne min vid bann sak lé rish.
Li fé arlèv Israël son sèrvitèr, li na souvnans son lamour,
Promès li la fé, noute papa, pou Abraham èk son désandans pou toultan.
Marie la arèt ansanm Elisabeth apépré troi moi.
Aprésa, èl la artourn sa kaz.
©jean volsan
