Evangile en créole du 30 mai 2024
Jeudi 30 mai 2024 Mc 10, 46b-52
Lèr Jésus té i sort Jéricho ansanm son bann dalon èk in kantité domoun,
lo garson Timée, Bartimée, i boug té i voi pa klèr, Té i fé la sharité,
assiz dann bord shomin.
Lèr Bartimée la koni sa té Jésus, lo moun té i sort Nazareth,li la krié :
« Jésus, garson David, pran pitié moin ! »
Bonpé domoun té i kri pou fé ferm son boush, solman li té i kri pli for :
« Jésus, garson David, pran pitiéd moin »
Jésus i arrête, li di :
« kri so moun la va. »
i kri lo boug i oi pa klèr, domoun i di lo moun :
« konfians, lève a ou, Jésus i kri a ou. »
lo boug i oi pa klèr, la jèt son palto, la soté la kour vèr Jésus.
Rouv la boush, Jesus la di :
« kossa ou veut mi fé pou ou ? »
lo boug i oi pa klèr la di :
« Rabbouni fé ké mi artrouv mon zié. »
Alors Jésus la di.
« Alé, oute konfians dann Bondié la sove a ou ».
Tout suit la mêm, boug la, la artrouv son zié, li té i suiv Jésus dann shomin.
©jean volsan
