Evangile en créole du 24 mai 2024
Vendredi 24 mai 2024 Mc 10, 1-12
Lèrla, Jésus la ariv dann téritoir la Judée, Par lot koté lo Jourdain laba.
Ankor in foi In gropaké domoun la vnikoté Jésus, konm dabitid,
Jésus té i rouvèr zot léspri.
Bann pharisiens, la aborde Jésus, pou mèt Jésus dann malizé, zot la domann Jésus :
« èské lé pèrmi in mari ranvoy son madam ? »
Jésus la réponn azot :
« Kossa Moïse la di ? »
Zot la di :
« Moïse la di lé possib ranvoy son madam a kondision ou fé fér in lakt pou
Ranvoy aèl. »
Jésus la répliké :
« Sé pars zotkèr lé dir konm galé, Moïse la ékri loi la pou zot.Solman, promié débi la
kréasion, Bondié la fé azot, lo zonm li, fanm li, Akoz de sa, lonm va kit son papa, son
momon, va amar ansanm son madam, zot dé i féra pi ké in sèl shèr.
Konmsa, zot lé pi dé, zot inn sèl shèr. Alors, sak Bondié la mèt ansanm, domoun i sépar arpa.
Artourn zot kaz, son bann disip la arkèstionn Jésus si so zafèr la.
Jésus la di azot :
« Sak li ranvoy son madam pou marié ansanm in not, li dovien in trahizon pou èl
Si i madam la poursuiv son mari pou marié ansanm in not, aèl ossi, èl vien in trahizon. »
©jean volsan
