Evangile en créole du 19 mai 2024
Dimanche 19 mai 2024 Jn 7, 37-39
Dann lo gran jour, oussa té ki fini la fèt des Tentes, Jésus, dobout la krié :
« Si in moun la soif, ké li vien ziska moin, li boir, sak li kroi amoin !
Konm i di dann lEkritir :
« Dopi son kèr va koul bann gran-gran rivièr dolo vif. »
Lèr li té i di sa, li té i parl l’Esprit Saint
té i sava ganié bann sak té i kroi dann Jésus.Parlfèt, té i pé pa aoir ankor l’Esprit Saint,
Pars Jésus té pankor rannt dann la gloir.
MESSE DU JOUR
Jn 20, 19-23
Lété apré la mor Jésus, ariv lo soir dann lo promié jour la somèn, lèr lo bann port landroi lété
bann disip,té také, pars zot lavé pèr bann juif, jésus la vni,la, an plin milié rant zot.la di azot :
« La pa lé ansanm zot ! »
Fini di so parol la, li la amont azot ; son bann min, son koté.
Lo bann disip té kontan-kontan mèm, Oir lo sénièr.
Jésus la di azot ankor :
« La pé lé ansanm zot ! Konm lo papa la anvoy amoin, amoin osssi mi anvoy azot. »
Fini di sa, souff si zot, Jésus la di azot :
« Gaign azot l’Esprit Saint ;
Bann sak pou kissa zot va éfass zot péshé, sa i sora éfassé, sak pou kissa zot va tienmbo bann
péshé, bann péshé la i sora pa éfassé.
©jean volsan
