Evangile en créole du 18 mai 2024
Samedi 18 mai 2024 Jn 21, 20-25
Lèrla, Jésus té i vienn di Pierre : « suiv amoin. »
Artourn si li mèm, Pierre la vi, té i marsh dèrièr zot, lo disip sak Jésus té ki èm,
sak, lèr zot lété an trinn manéj, lavé pansh koté Jésus, pou domandé :
« Sénièr, kissa i sava vann aou ? »
Pierre i voir lot, la di Jésus :
« è sèt la sénièr, kossa i sava arivé pou li ? »
Jésus la réponn :
« Si mi vé li arèt la ziskatan mi Arvien, kossa sa i pé fé aou ? aou, suiv amoin. »
Alors in son la kouri an parmi lo bann frèr konm koi so dalon la té i mor arpa.
Parlfèt, Jésus lavé pa di Pierre ké lot té i mor arpa,
solman, lavé di :
« Si mi vé li arèt la ziskatan mi arvien, kossa sa i pé fé aou ? »
Sé so disip la i pass témoin pou so bann zafèr la, sé li ké la ékri sa,
la, anou, ni koné ké sak li di la, lé vré.
Nana ankor in kantité dot zafèr Jésus la fé. Si té i ékri, inn par inn,
lo mond an antié noré poin assé, pou ramass tout liv domoun i pouré ékri
©jean volsan
