Evangile en créole du 16 mai 2024
Jeudi 16 mai 2024 Jn 17, 20-26
Lèrla, Jésus lo zié lévé dann sièl, té i prièr konmsa:
« Saint papa, mi prièr pa solman pou bann sak lé la,
mi prièr ossi pou bann sak akoz, zot bann parol, va kroir amoin :
Fé manièr zot tout lé inn, konm, aou papa, ou lé ansanm moin,
ké amoin, moin lé ansanm ou, manièr, bann na lé ansanm nou, azot ossi,
manièr, lo mond i kroi, ou, la anvoy amoin.
Alors, amoin, moin la donn azot la gloir ou la donn amoin,
manièr zot lé inn, konm, anou, nou lé INN.
Amoin ansanm zot, aou ansanm moin, manièr zot i ariv in lakordaj parfé,
manièr lo mond i kroi, la anoy amoin, ou la èm azot, konm ou la èm amoin.
Papa, bann sak ou la donn amoin, mi vé oussa mi lé, zot ossi lé ansanm moin,
zot i pé oir mon gloir, la gloir ou la donn amoin,
pars ou la èm amoin , avan la fé lo mond.
Papa, bon papa, lèr lo mond la pa rokonèt aou,
Amoin, moin la rokoni aou, ansanm bann sak la rokonèt ou la anvoy amoin
Moin la fé konèt azot, out nom, aprésa, ma fé konèt azot ankor,
manièr lamour ou la èm amoin,
i ariv ziska bann na, manièr, amoin ossi, moin lé ansanm zot.
©jean volsan
