Evangile en créole du 13 mai 2024
Lundi 13 mai 2024 Jn 16, 29-33
Lèr la,lo bann disip la di Jésus:
«Astèr, ou koz klèrman, astèr ou koz pi an zimaj ;
Astèr, nou koné ké, aou, ou koné tout zafèr,
ou la pa bézoin domoun i késtionn aou.
Akoz sa mèm nou kroi ou la sort ansanm Bondié. »
« Jésus la réponn azot :
« Astèr zot i kroi !
« Astèr, lèr i ariv, astèr, lèr la fine arivé,
lèr oussa zot i sora dispèrsé, shakèn zot koté, lèr, zot va lèss amoin tousèl.
Solman, moin la pa tousèl, pars lo Père lé ansanm moin.
Moin la di azot sa manièr ké, ansanm moin, zot i trouv lapé.
Dann lo, mond la, zot na pou soufèr, solman, pran kouraj !
Amoin, sé lo vinkèr lo mond ! »
© jean volsan
