Evangile en créole du 11 mai 2024
Samedi 11 mai 2024 J n 16, 23b-28
Lèr la, Jésus la di ansanm son bann disip :
« Amen, amen, mi di azot, sak zot va domann papa
an mon nom, li va donn azot. »
Ziskalèr, zot la pa domann arien an mon nom;
Domann, zot va ganié :
konm sa, zot i sora vréman kontan.
Di azot sa, moin la koz an zimaj.
Lèr va arivé oussa ma koz ansanm zot, san zimaj, ma di azot san kass kontour,
bann zafèr i konsèrn papa dann sièl.
Lo jour, la, zot pou domann an mon nom ;
Or, mi di pa zot, a moin ma prièr, papa dann sièl pou zot,
pars papa dann sièl, li mèm, i èm azot, pars zot la èm amoin,
pars zot la kroir Bondié lavé anvoy amoin.
Moin la sorte ansanm papa dann sièl pou vni dan lo mond si inba,
astèr, mi lèss sa lo mond la, mi sava oir papa dann sièl. »
© jean volsan
