Vendredi 03 mai 2024
Jn 14, 6-14
Lèrla, Jésus la di ansanm Thomas :
« Amoin lo shomin, la vérité èk la vi ;
La poin pèrsonn i sava oir Bondié, san pass par moin
Konm zot i koné amoin,zot va konèt ossi mon papa.
Dopi, astèr mèm ,zot i koné Bondié pars zot la vikissa li lé ! ».
Pilippe la di :
« Sénièr ,amont a nou lo Père, nora assé pou nou.
Jésus la réponn :
« nana si tèlman lontan, moin lé ansanm zot, ou koné pa moin Philippe !
Sak la vu a moin, la vu lo Bondié .
Koman ou pé dir : « amonte a ou lo pèr ?
Ou kroi pa moin lé dann Bondié.
Bondié lé ansanm moin.
Parol moin la di a zot la, moin la pa di sa par moin mèm lo père lé la ansanm
moin, i fé li mêm sak li nana pou fé !
Kroir’ amoin: moin lé ansanm lo papa, lo papa lé ansanm moin ;
Si zot i kroi pa moin, kroir omoin akoz bann zafèr Bondié i fé par li mèm la
Amen, amen, mi di azot :
« Sak li kroi a moin, li va vnia bou fé sak mi fé.
Li sora mèm kapab féd shoz pli gran ankor, pars mi sa va ansanm mon papa.
Alorse, toute sak zot va domann an mon nom, ma fé pou zot,
Manièr lo papa lé glorifié dann lo garson.
Lèrkzot va domann amoin in nafèr an mon nom,
Amoin, ma fé pou zot. »
©jean volsan
