Mardi 30 avril 2024
Jn 14, 27-31a
Lèr la, Jésus té i di ansanm son bann disip :
« Mi lèss azot la pé, mi donn azot, mon pé ;
La pa la manièr lo mond si in ba, mi donn azot la pé la.
La pa bézoin zot kèr lé shaviré, sankoi, zot la pèr.
« Zot la antandi sak moin la di azot :
« mi sa va, apré mi arvien ziska zot. »
Si zot té i èm amoin, zot i soré kontan pars mi sava ziska lo pèr,
lo pèr, li lé pi gran moin. »
astèr, moin la koz ansanm zot, avan lo zafèr i ariv, manièrk, lèr sa va arivé,
zot i kroi.
Astèr, mi koz arpa in bonpé ansanm zot, pars, i vien lo prins lo mond si in ba.
Solman, , li la poin okin lanpriz si moin ;
Solman, konmsa, lo mond i konè mi èm mon papa,
alorse, mi fé dapré sak lo pèr la domann amoin fé. »
©jean volsan
