Evangile en créole du 29 avril 2024
Lundi 29 avril 2024
Jn 14, 21-26
Lèr la, Jésus la di ansanm son bann disip :
« Sak i ékout mon bann komannman, i mèt sa an pratik, sa in moun, i èm amoin, é sak i èm amoin, mon papa va èm so moun la,
amoin ossi, ma èm moun la, la ma fé amont lo moun kissa mi lé.
« Jude, la pa Judas lo l’Iscariote, la domann Jésus :
« Sénièr, kossa i ariv la ? Eské sé anou ou fé amont kissa ou lé,
pa amont lo mond ?
Jésus la réponn :
« Si in moun li èm amoin, li va réspèk mon parol, mon papa va èm moun la ;
Nou va vni dann son kèr, dann son kèr ni sora nout kaz. Sak i èm pa moin,
la pa la ansanm mon bann parol ;
solman, sa parol zot i antan la, sa la pa la miènn, sa parol lo papa,
la anvoy amoin.
Moin la di azot so bann zafèr la, lo tan moin lé ankor la ansanm zot ;
lo Paraclet, lo défansèr l'Esprit Saint, sak lo papa va anvoy pou zot par mon,
va aprann azot tout bann zafèr, va fé aoir azot souvnans tout sak
moin nora di azot. »
©jean volsan
