Evangile en créole du 28 avril 2024
Dimanche 28 avril 2024
Jn 15, 1-8
Lèr la, Jésus té i di anxsanm son bann disip :
« Moin mêm lo vré plant rézin, mon papa dann sièl lo plantèr.
Tout bransh moin nana, si i donn pa, mon papa i tir lo bransh ;
Tout bransh i donn, Papa i aranj sa bien, i tay, manièr li donn ankor plis.
Solman, azot, zot la fini tayé, ansanm parol moin la di azot.
Arèt azot èk moin, konm moin èk zot.
Parèy, in bransh doboi, i pé pa sharjé par li mèm,li rèt pa ansanm lo plan rézin
Konmsa mèm, azot non pli, si zot i arèt pa ansanm moin.
« Moin sé lo pié rézin, azot lo bann bransh.
Sak li rèt ansanm moin, moin lé ansanm li, sèl la, li pou donn an poundiak,
Pars, san moin, zot i pé pa fé arien.
Si in moun li arèt pa ansanm moin, li lé konm lo bransh doboi la jèt déor,
Li sèk.
Bransh doboi sèk, i ramass, i jèt dann fén zot i bril.
Si zot i arèt ansam moin, si mon bann parol i trouv in plas dann zot vi
Domann sak zot i vé, sa va ariv pou zot.
Sak i fé la gloir mon papa, sé oir azot i donn in bonpé lo frui,
Oir, zot lé pou moin, mon bann disip. »
©jean volsan
