Evangile en créole du 22 mars 2024
Lundi 22 avril 2024
Jn 10, 1-10
Lèrla, Jésus la di : « Amen, amen, Mi di a zot :sak i rant dann parc mouton,
san pass par la port, solman i sot par in not koté, sa, in volèr, sa in bandi.
Sak i rant par la porte ,sé lo gardien bann mouton .
Lo gardien, i rouv la port lo bann mouton i koné son voix
Son bann zanimo, li apèle shakèn par son nom pou fé sort azot .
Lèrk la fini fé sort tout lésiènn, lo gardien i marsh dovan son zanimo i suiv
pars zot i koné son voi.
Jamé bann mouton la pou suiv in moun étranjé, zanimo va sov loin
pars zot i koné pa la voi domoun étranjé.
Jésus la pran zimaj la pou koz èk bann Pharisiens,
solman zot la pa konpri kossa Jésus té i vé di azot.
Akoz sa, Jésus la di ankor :
« Amen, amen, Mi di a zot : a moin la port park mouton.
Tout sak la vni avan moin, sa bann volèr, sa bann brigand ,
Solman bann mouton la pa akout azot. Amoin la port.
Somoun la, li sora sauvé, li va rantré, sorti, va trouve son manjé.
Volèr i vien rienk pou volé kassé brizé, koup lo kou, fé mor.
Moin ,moin la vni manièr do moun i gaign la vi éternèl , an poundiak. »
© jean volsan
