Evangile en créole du 19 avril 2024
Vendredi 19 avril 2024
Jn 6, 52-59
Lèr la, Jésus la di bann juif té i ral lo kont rant zot :
« Koman so moun la, i pé donn anou son kor pou manjé ? »
Jésus la di azot :
« Amen,Amen, mi di azot : Si zot i manj pa lo kor lo fis de lonm,
si zot i boir pa son san ; zot la poin la vi an zot.
« Sak i manj mon kor, i boir mon san, na la vi étèrnèl,
amoin, moin va réssissit so moun la lo dèrnié jour.
Pars mon kor sé lo vré manjé, mon san, lo vré boisson.
Sak i manj mon kor, i boir mon san, i arèt ansanm moin,
Amoin, ansanm so moun la.
Konm lo pèr vivan, la anvoy amoin, mi viv, par lo pèr,
parlfèt, sak i manj mon kor, va viv par moin.
Konmsa i lé dopin la déssann dopi lo sièl :
sa lé pa parèy sak zot papa la manjé ;
Bann na lé mor, zot, solman, sak li manj dopin zot i voi la,
va viv pou létèrnité. »
voila kossa Jésus la di,
lèr li té i rouvèr léspri domoun dann synagog Capharnaüm laba.
©jean volsan
