Evangile en créole du 16 avril 2024
Mardi 16 avril 2024
Jn 6, 30-35
Lèr la, lo bann domoun dan la foul la di Jésus :
« Kèl sinial ou sa va fé, manièr ni oi, manièr ni kroi aou ?
Kèl zafèr ou sava fé ?
Dann dézèr nout papa la manj la manne ;
konm i di dann lékritir :
li la donn azot pou manjé dopin i sort dann sièl. »
Jésus la réponn azot :
« Amen Amen, mi di azot ; la pa Moïse la donn azot dopin té i sort dann sièl ;
sé mon papa i donn azot dopin i sort dann sièl. ars dopin Bondié, i déssann dopi lo sièl,
sé li i donn la vi lo mond. »
Alorse zot la di :
« Sénièr, donn anou pou toultan dopin la. »
Jésus la réponn azot :
« Amoin, moin sé dopin la vi. Sak li vien ansanmmoin, li nora pi jamé fin,
sak li kroi amoin, li nora pi jamé soif. »
© jean volsan
