Lundi 15 avril 2024
Jn 6, 22-29
Jésus lavé rasazié cinq mil moun, son bann disip lavé vi Jésus marsh si la mèr.
Lo landmin, lo foul domoun lavé arèt lot koté, la rann azot kont lavé atèr la
in sèl kanot, Jésus lavé pa mont anndan ansanm son bann disip, bann na lavé parti san Jésus.
Solman, dot kanot, té i sort Tibériade, lavé ariv koté landroi oussa lavé manj dopin lèr lo sénièr té fin gran mèrsi Bondié.
Lèr lo foul la vi Jésus lété pa la, son bann disip non pli, domoun la mont dann bann kanot
Pran dirèksion Capharnaüm ou rod Jésus. Trouv Jésus lot koté, zot la di :
« Rabbi, kansa ou la ariv isi ? »
Jésus la réponn azot :
« Amen, amen, mi di azot :
Zot i rod amoin pa parské zot la vi bann sinial, sé pars zot la manj bann pin la, zot la rampli zot vant. Travay pa pou manjé i pèrd, travay pou manjé lé la pou toultan ziska dann la vi étèrnèl,
Sak va donn azot lo fis de lonm,
Sak papa Bondié la marké ansanm son lanprint. »
Alorse, zot la di Jésus :
« kossa nou doi fé pou fé travay Bondié i domann ? »
Jésus la réponn azot :« zouvraj Bondié,
Sé fé manièr zot i kroi dann sak Bondié la anvoyé. »
© jean volsan
