Lundi 08 avril 2024
Lc 1, 26-38
Lèr la, lanj Gabriel la été anvoyé par Bondié dann in vil la Galilée, té i apèl Nazareth, pou in zène fi vièrj, té fine èt akordé an mariaj in moune dann la kaz David, té i apèl Joseph ; lo nom lo jèn fi lété Marie
Lo lanj la rant sa kaz, la di ;
« Mi di a ou bonjour aou rampli ansanm la gras BonDieu, lo sénièr lé ansanm ou. » Atann sa kozman la, èl té shaviré, admandé kossa té i pouvé bien dir so bonjour la.Lanj la di ansanm èl :
« La pa bézoin ou la pèr Marie, pars, ou la trouv la gras BonDieu.
Ou va fé, oua gaign in zanfan ; in garson ;
ou va apèl zanfan la, Jésus. Li sra gran, va kri zanfan la garson lo tré O ; le sénièr Bondié va donn marmay la, lo tronn David son papa. li pou règn pou toultan si la kaz Jacob,son règn i finira pa zamé. »Marie la di ansanm lanj, :
« Par koman i sar fé sa,
mi koné pa dzonm ? »
Lanj la réponn aèl :
« léspri saint va vni si ou alorse la puisans BonDieu va pran aou sou son lonbraj.
A la pou kossa, sak i sar énèt la, sora aplé fis de Dieu .
Or ala pa dann son viéyès, Elisabeth, out fami, i attann aèl ossi in zanfan,
èl lé dann son sizièm moi,
alor té i kri a èl fanm i pé pa fé zanfan.
Pars la poin arien lé imposib pou BonDié
Alorse, Marie la di :
« Voila la sèrvant BonDieu ; ariv pou moin sak BonDieu la di dann son parol. »
Alorse,lo lanj la lès aèl, la parti.
© jean volsan
