Evangile en créole du 07 avril 2024
Dimanche 07 avril 2024
Jn 20, 19-31
Lété apré la mor Jésus, ariv lo soir dann lo promié jour la somèn, lèr bann port landroi oussa bann disip lété,té také, pars zot lavé pèr bann juif,
jésus la vni,la, li lété la an plin milié rant zot.
Jésus la di azot :
« La pé lé ansanm zot ! »
Fini di so parol la, li la amont azot ; son bann min, son koté.
Bann disip té kontan-kontan mèm, lèr zot la vi lo sénièr.
Ankor in foi, Jésus la di ansanm zot :
« La pé lé ansanm zot !
Konm lo papa la anvoy amoin, amoin osssi mi anvoy azot. »
Fini di sa, Jésus la souff si zot
la di azot :
« Gaign azot l’Esprit Saint ;
Bann sak pou kissa zot va éfass zot péshé,sa i sora éfassé,
sak pou kissa zot va tienmbo bann péshé, bann péshé la i sora pa éfassé. »
« Solman, inn an parmi lé douz, Thomas, sak i kri Didyme, (sétadir jimo)
lété pa ansanm bann na lèrk Jésus la vni.
Lé zot disip la di Thomas :
« Nou la vi lo sénièr !
« Solman, Thomas la réponn azot :
« Si mi oi pa dann son bann min la mark bann klou, si mi mèt pa mon doi la plas bann klou, si mi mèt pa mon min dann son koté, non, amoin mi kroir arpa ! »
huit jour apré, lo bann disip té ankor in foi ansanm dann la kaz la.
La, Thomas lété ansanm zot. Jésus la vni, tout bann port té také,
Jésus té la an parmi zot, la di :
« la pé lé ansanm zot. » Aprésa, Jésus la di Thomas :
« avans out doi tèrla, ogard mon bann min ; avans out min, mèt dann mon koté,
arèt ansanm lo mank la konfians vien in nonm i kroi.
« Thomas la réponn :
« Mon sénièr, mon Bondié ! »
Jésus la di :
« Pars ou la vi amoin, ou la kroir ; Bienéré bann sak la kroir, sank zot la vi. »
Nana ankor in kantité dot shoz Jésus la fé dovan lo zié son bann disip,
la pa marké dann liv la.
Bann sak la lé rakonté,manièr zot i kroi Jésus lé lo christ, lo garson Bondié,
la, manièr, lèr zot i kroi, zot nana la vi par son nom.
©jean volsan
