Samedi 06 avril 2024
Mc 16, 9-15
Réssisité, lo matin lo promié jour, la somèn, Jésus la aparèt avan
Marie Madeleine, sak dann kissa li lavé poursuiv sept démon.
El la parti anons sa bann sak lété ansanm Jésus, lété dann lo dèy, lavé viv èk Jésus, lo kèr gro an trinn pléré.
Solman, lèr zot la antandi, Jésus té vivan, èl lavé vi Jésus, bann na la pa vouli kroir aèl. Aprésa, Jésus la fé amont son prézans sou in not manièr pou deux an parmi zot té dann shomin pou alé lékartié.
La, bann na la arvni pou di sa lé zot disip;
Bann na , non pli, pèrsonn la pa kroir azot. Aprésa, Jésus la fé oir son kor lo onze, zot mèm lèr zot lété a tab :
la, Jésus la roprosh azot, zot mank la konfians, konbien zot kèr té fini vni dir konm galé, pars zot lavé pa vouli kroir bann sak lavé vi Jésus réssissité.
La , Jésus la di azot :
« Alé dann lo mond antié, alé di partou l, Evangile pou tout la kréassion. »
© jean volsan
