Evangile en créole du 04 avril 2024
Jeudi 04 avril 2024
Lc 24, 35-48
Lèr la, bann dalon té i sorte Emmaüs, la rakonte lé onze, èk sak té ek zot
kossa lavé ariv dann shomin, koman lo sénièr lavé fé manièr zot té i rokoné, manièr, li la partaj dopin.
Zot té ankor an trinn kozé, Jésus, li mêm, lété la èk zot, la di azot:
« La paix lé ek zot ! »
sézisman la pèr ek la krintiv té si zot, zot té i kroi oir in léspri ;
Jésus la ardi azot :
« Akoz zot lé boulversé konm sa ? kossa toussa bann mazinassion dann zot kèr ?Ogarde mon min , ogarde mon pié : Amoin mêm sa !
Toush amoin zot même, ogard, in léspri la poin ni la shèr, ni lo zo ;
La, zot i oi amoin, moin nana. »
Fini di so parol la, li la amont a zot son min ansanm son pié.
Kamêm dann kontantman, zot té i oz pa kroir ankor si tèlman zot té sézi.
Jésus la di :
« Eské zot na in nafèr pou manjé ? »
zot la donn in bout poisson grillé ;
li la trapé, li la manjé la mêm dovan zot.
Apré sa li la di a zot :
« Rapèl a zot, parol moin lavé di azot lèr moin té ankor ansanm zot.
Té i falé té ki arive tout sak té marké pou moin,
dann la loi Moïse, profèt, dann shanté la rolizion.
Lèr la , li la rouve zot léspri pou zot niabou konprann sak dann lékritir.
Li la dit :
«Konmsa mèm dann liv lé marké, lo christ noré soufèr, li noré réssissité an parmi bann mor lo troizièm jour, shanjmann lo kèr noré arivé par lo nom Jésus. Shanjman, pou pardonn péché toute bann nassion, a komansé par Jérusalem.
Toussa la, Azot mêm, pass témoin. »
©jean volsan
