Evangile en créole du 28 mars 2024
Jeudi 28 mars 2024
Lc 4, 16-21
Lèr la, Jésus la vni Nazareth, la oussa li lavé grandi. Konm dabitid, Jésus la rante dan lo sinagog, lo jour sabat, la lévé pou allé lir.
La donn Jésus lo liv lo profète Isaïe.
Jésus la rouv lo liv, la trouv lo passaj oussa lé ékri :
L’esprit lo sénièr lé si moin, pars lo sénièr la mèt a moin la ek son bénédiksion.
lI la anvoy amoin port lo bonn nouvèl pou bann pov,
annons bann sak lé prizonié, i sar larg azot
bann sak i oi pa klèr, zot pou artrouv zot zié,
larg bann sak lé maltrété.
Fé lanons in bon lané, lo sénièr va doné.
Jésus la arfèrm lo liv, la rann lo sèrvan, la assiz. Zot toute dan lo sinagog lavé lo zié si Jésus,
alorse Jésus la di azot. Jordi i ariv sa passaj lékritir zot i vienn atann la.
©jean volsan
Pou la messe lo soir
Jn 13, 1-15
Avan la fête Pâque. Jésus té i koné lèr lavé arivé pou li, kit lo mond la pou lo mond son papa,
Jésus lavé ème son bann, lété dan lo mond,la èm azot zisko bout. An trinn manjé lo soir .
lèr, lo diabté fini mèt dann kèr Judas, garson Simon Iscariote, lintansion vann Jésus.
Jésus té i koné, Bondié lavé mèt tout dann son min, lavé sort èk Bondié, té i sava vèr Bondié,
Jésus i lèv de tab, i tir son kabay, i trap in toil, la amare dan son rein .i vèrs in pé dolo dann in bandèz. la, Jésus la lav lo pié son bann disip ; ésui èk lo linj té amaré dann son sintir .
Arrive son tour, Simon-Pierre, la di Jésus:
« Seigneur , a ou i sar lave mon pied ? »
Jésus la réponn :
« Sak mi vé fé, ou koné pa pou linstan ; pli tar ou va konprann . »
Pierre la di Jésus:
« Non va, ou lav arpa mon pié ; Non Zamé ! »
Jésus la di Pierre :
« Si mi lav pa oute pié,ou gaign arpa in par kè moin ! »
Simon-Pierre la di :
« Sénièr, alorse lave pa solman mon pié, lave mon main ek mon tête aussi ! »
Jésus la di :
« Lèrk i sorte baigné, la pa bézoin lav lo kor apark lo pié,domoun lé prop an antié. Zot mèm,
zot lé prop, solman pa zot tout. » Jésus té i koné bien kissa té i sa va èt lo trèt akoz sa Jésus lavé di :
« Zot lé pa prop zot tout. »
Fini lav zot pié, Jésus la armète son cabaye , la arssize a tab zot la di : « Eské zot la kompri sak mi vienn fé pou zot ? Zot i apèle a moin , mâit ek sénièr,
zot na raison ,pars lé vré! Moin lé vréman, parlèt , si a moin lo sénièr et mâit, moin la lav zot pié, zot aussi zot i doi lav zot pié lé zinn lé zot. Sa in lékzanmp moin la donn azot
Manièr zot i fé, azot ossi, konm moin la fé pou zot.
© jean volsan
