Evangile en créole du 27 mars 2024
Mercredi 27 mars 2024
Mt 26, 14-25
Lèrla, inn an parmi lé douze, té i kri ali Judas Iscariote, la parti oir bann grand prèt, la di azot :
« Kossa zot i vé donn amoin, si mi vann Jésus ? »
Zot la donn Judas, trente piès larjan.
la, Judas té ki rod in bon lokazion pou vann Jésus.
Lo promié jour la fèt dopin sans levur, lo bann disip la vni pou domann Jésus :
« Oussa ou vé nou fé prépar lo manjé pou Pâque ? »
Jésus la di azot :
« Alé an vil la kaz intèl,
di :
« lo mait i fé di aou : mon lèr i tard pa; sé out kaz mi fé fé la fèt Pâque
ansanm mon bann disip. »
Lo bann disip la fé sak Jésus lavé di azot, zot la prépar lo fèt pou Pâque.
Ariv lo soir, Jésus lété a tab ansanm lo douz.
Lo tan té i manj, Jésus la di :
« Amen, mi di azot, inn an parmi zot i sa va vann amoin. »
Trist, pa pou fé sanblan zot la domandé, shakèn zot tour :
« èské i sré a moin sénièr ? »
rouv la boush Jésus la di :
« Sak la mèt la min dann lo pla an mèm tank moin, sèl la i sa va vann amoin.
Lo fis de lonm i sa va, konm lé marké ; solman maléré, sak par kissa
lo fis de lonm lé mèt dan la min bann na. Noré été mié pou li, li té pa né, so moun la ! »
Judas, sak té i vann Jésus,
la pran la parol :
« Rabbi, èské i soré moin ? »
Jésus i réponn :
« Aou mèm la di ! »
© jean volsan
