Evangile en créole du 25 mars 2024
L undi 25 mars 2024 Jn 12, 1-11
Six jours avan Pâque, Jésus la vni Béthanie, ousa Lazare té i abit.
Sak li lavé fé arlèv an parmi bann mor.
Là la fé in manjé an lonèr Jésus,
Marthe té qui sèrv. Lazare té a tab ansanm bann zinvité ek Jésus. Marie la trape in liv
in léssans rar té i kout shèr.
Elle la vid lo léssans si lo pié Jésus, èl la essui ek son shové.
Tout la kaz la rempli ek lodèr léssans la
Judas Iscariote, dalon Jésus ( sak té sar vann Jésus) la di :
« Akoz la pa vann léssans la , trois cent piès larjan, noré donn bann maléré ? »
Li té i di pa sa pou bann maléré vréman , solman pars li té in volèr :
sé li té i ramass larjan , pou zot tout, li té i pran sak té i mèt anndan .
Jésus la di Judas :
« Lès aèl gard sa tradision la, pou le jour va mèt a moin dann trou !
Maléré zot nora toujour koté zot, solman, amoin mi sora pa toujour la ! ».
In quantité domoune la koni Jésuslété Béthanie, zot la arivé, pa solman akoz Jésus,
plito pou oir so Lazare, Jésus avé fé lévé an parmi bann sak té mor!
Bann granprèt la déssid tié Lazare aussi, pars in bonpé juifs, akoz de li
té qui larg bann na, pou kroir Jésus.
© jean.volsan
