Evangile en créole du 24 mars 2024
Dimanche 24 mars 2024
RAMEAUX
Marc 11,1-10
Lèr zot i aprosh Jérusalem, Par koté Bethphagé ansanm Béthanie, Pa loin
lo mont des oliviers, Jésus i anvoy deux dalon, li di Azot :
« allé dann vilaj lé dovan zot : dèk zot va rant anndan, zot va trouv
in pti bourik amaré, pèrsonn la pankor mont déssi.
Démar lo ti bourik, amèn pou moin.
« La si in moun i di azot :
« pou kossa zot i fé sa ? »
réponn :
«lo sénièr na bézoin,
li la ranvoy dèk sora fini.
Zot la parti, zot la trouv lo ti bourik amaré déor koté in porte dann shomin.
Zot i démar. Domoun atèrla la domann azot :
« Akoz zot i démar ti bourik la ? »
« Zot la réponn konm Jésus lavé di, alorse, la lèss azot fè.
Zot i amèn lo ti bourik pou Jésus ;
zot i mèt zot palto dessi, Jésus la mont asiz déssi.
In bonpé domoun la mèt zot palto atèr dann shomin,
lavé dot té i pran bann banshaj, zot té i koup dann bitassion.
Bann sak té i matsh dovan,èk bann sak té i suiv té i kri :
« Hosanna ! lé béni, sak li vien par lo nom lo sénièr!
Béni, sa lo régn i vien , lo règn David nout papa,
Hosanna ziska lo pli o dann sièl ! »
Jn 12, 12-16
Lèrla, détroi jour avant Pâque, domoun lavé vni an poundiak pou la fèt
konèt Jésus té i vien ziska Jérusalem.
Domoun la pran bann bransh pié palmis, zot la sortipou alé oir.
Zot té i kri :
« Hosanna !Béni i lé sak li vien, par lo nom lo sénièr!Lé béni lo roi Israël ! »
Jésus, trouv inn ti bourik, la assiz déssi,Konm lé ékri :
La pa bézoin la pèr fi Sion.Voila out roi i vien, assiz déssi lé pti in bourik.
Sa, son bann disip zot la pa konpri sa si lo kou ;
solman, lèr Jésus té dann son gloir,zot la rapèl azot l’Ekritir té i di sa si li :
Lété bien sak lavé arivé.
