Evangile en créole du 22 mars 2024
Vendredi 22 mars 2024
Jn 10, 31-42
Lèr la, ankor in foi, bann juif la ramash bann rosh pou tié Jésus kout galé.
Solman, Jésus rouv la boush la di :
« Moin la fé dovan zot zié , si tèlman bann bon travay i sort èk mon papa.
Pou kèl bon travay moin la fé, zot i vé tié a moin kout galé ? »
Bann juif la réponn :
« La pa pou in bon travail ni vé fini ansanm ou, sé pou in jirman kont Bondié,
ou, in moun, ou fé pass aou ou pou Bondié. »
Jésus la réponn azot :
« èské lé pa ékri dann zot Loi :
moin la di : zot sé bann Bondié ? »
La Loi i kri bann na Bondié, sak pou kissa la parol Bondié lété doné.
An rézon, Lékritir i pé pa éfassé.
Parlfèt, sak Bondié la shoizi, sak Bondié la anvoy dann lo mond,
zot i di moun la: « Ou rakont jirman si Bondié »
Pars moin la di : « Moin garson Bondié.Si mi fé pa travay mon papa,
Ashèv pa kroir a moin. Solman, si mi fé travay la kant mèm, zot la pa pou kroir amoin, koir dann sak lé fé.La, zot va rokonèt , plis an plis papa dann sièl lé an moin, amoin dann papa. »
Bann na, in foi ankor zot la rod pou kapay Jésus solman, Jésus la shap dann zot min, la artourn par lot koté lo Jourdain, dann landroi oussa Jean lavé komans batizé, la, Jésus la arèt atèrla.
In bonpé domoun la vni ziska Jésus, zot té i di :
« Jean, la pa fé amont okin sinial solman tout sak boug la la di, lété vré. »
Alorse,nana in bonpé rant zot, la kroir Jésus.
© jean volsan
