Evangile en créole du 21 mars 2024
Jeudi 21 mars 2024
Jn 8, 51-59
Lèr la, Jésus la di bann juif :« An vérité, an vérité, mi di azot,
si in moun i gard mon parol dann son kèr, jamé, li pou oir la mor ».
Alorse, bann juif la di jésus : « Astèr nou koné ké ou lé in possédé !
Abraham lé mor, lo bann profèt ossi, la, aou, ou vien di » :
« si in moun i gard mon parol dann son kèr, jamé, li pou konèt léspérians la mor.Eské ou soré pli gran ké nout papa Abraham ?
Abraham lé mor lo bann profèt ossi la fini mor ! pou kissa ou pra aou don? »
« Jésus la réponn :
« Si moin té i di mon gloir par moin mèm, la gloir la, té i vo pa rien.
Sé mon papa i fé amont mon gloir, sak zot i di : « Li zot Bondié. »
Alork zot i koné pa Bondié, amoin, mi koné Bondié.
Si moin té i di, moin té i koné pa Bondié, mi soré, kom zot, in mantèr ;
solman, amoin, mi koné Bondié, mi ramass son parol dann mon kèr.
Abraham, zot papa la sot an lèr rienk la pansé oir mon jour :
Abraham, la vu li té transporté kotantman.
La, bann juif la di Jésus :
« Ou la mèm poin cinquante an, la, ou la vi Abraham !
«Jésus la réponn azot :
« An vérité, an vérité, mi di azot, avank Abraham la été, MOIN Lé. »
« Alorse, zot la ramass lo rosh pou jèt si Jésus,
solman, Jésus, an kashièt la sort dann tanmp.
© jean volsan
