Evangile en créole du 20 mars 2024
Mercredi 20 mars 2024
Jn 8, 31-42
Lèr la, Jésus la di lo bann juif lavé kroir son parol :
« Si zot lé fidèl mon bann parol, zot lé vréman mon bann disip,
Alorse, zot va konèt la vérité, la , la vérité va rann azot domoun lib. »
Zot la répliké :
« A nou, nou bann déssandan Abraham, nou la jamé été zésklav pèrsonn :
par koman ou pé dir ké nou sora domoun lib ? »
Jésus la réponn azot :
« Amen, amen, mi di azot, sak li fé bann péshé, li zésklav péshé.
Lo zésklav, i arèt pa toultan dan la kaz ;
lo garson li, li arèt dan la kaz pou toultan.
An rézon, si sé lo garson,i larg azot, lèrla, zot i sora vréman, domoun lib.
Sa, mi koné zot, bann déssandan Abraham,; solman, zot i rod pou tié amoin,
pars la poin la plass pou mon bann parol dann zot kèr.
Amoin, mi di sak moin la antandi ansanm mon papa, alorse, azot ossi, fé sak
zot la antandi la kaz zot papa. »
Zot la répliké :
« Nout papa, sé Abraham. »
Jésus la di azot :
« si zot bann zanfan Abraham, zot noré fé lo bann travay Abraham.
La, astèr, zot i rod pou fé mor amoin, amoin la di azot la vérité.
moin la antandi ansanm Bondié ; sa, Abraham, li la pa fé sa.
Azot, zot i fé lo bann travay zot bann papa :
Zot la di Jésus :
« Nou lé pa né pars nout momon, la vann zot kor !
Nou na insèl papa, Bondié ! »
Jésus la di azot :
« Si Bonbié té zot papa, zot noré èm amoin pars sé dopi Bondié, moin la sorti,
la, dopi oussa mi vien ; moin la pa vni par moin mèm,sé Bondié la anvoy amoin
© jean volsan
