Evangile en créole du 16 mars 2024
Samedi 16 mars 2024
Jn 7, 40-53
Lèr la, Jésus lé é ki rouv léspri domoun dann tanmp Jérusalem.
Dann la foul domoun, té i antann son bann parol,
alorse désèrtin té i di :
« vréman, li mèm sa, lo profèt, i dové vni la! »
Dot té ki di :
« sé li, lo christ ! »
Solman dot ankor té i domann :
« èské lo christ i pé sort an Galilée laba ?
La pa ékri dann liv, sé dann désandans David, dopi Béthléem,
lo kartié David, lo christ i vien ? »
Konm sa mèm la foul domoun la divizé a koz de Jésus.
Détroi rant zot té ki vé kapay Jésus, solman pèrsonn la pa poz la min si li.
Lo bann gard la artourn koté lo bann gran prèt ansanm bann Pharisiens,
la domann azot :
« Akoz zot la pa amèn Jésus ? »
Lo bann gard la répon :
« Zamé in moun la koz konmsa ! »
Bann pharizien la réplik azot :
« Alorse , azot ossi, zot la lès pèn azot, boush zot zié? »
An parmi lo bann shèf lo pèp, èk pharisiens
èské nana solman inn la kroir so moun la ? »
Kanta, bann domoun, i koné pa intiorke dann la Loi, sa bann modi sa! »
Nicodème inn an parmi zot,sak avan lavé parti ouar Jésus, la di a zot :
«èské nout Loii lès juj in moun, san antann dabor pou konèt kosa lo moun la fé ?
Zot la réponn :
« èské a ou ossi ou sort an Galilée laba ? rod bien é ou va oir,
zamé okin profèt la sort an Galilée ! »
Aprésa, zot la parti shakèn zot kaz.
© jean volsan
