Evangile en créole du 15 mars 2024
Vendredi 15 mars 2024
Jn 7, 1-2.10.14.25-30
Lèr la, Jésus té i sava partou an Galilée laba :
Li té i voulé pa alé an Judée, pars,bann juif té i rod pou tié Jésus.
La fèt juif bann tente té i tard pa.
Lèrk son bann frèr té fine mont Jérusalem pou la fèt,Jésus la monté ossi,
san bat tambour, plito an sokré.
Té fine ariv dann milié la somèn laFèt lèrk Jésus la monte lo tanmp,
La, li té ki rouvèr léspri domoun.
Détroi moun Jérusalem té i di lèrla ;
« La pa li sa do moun i rod pou tié la ? »la, so moun la lé la, koz san kashièt,
la poin pèrsonn i di arien. !Eské nout bann shèf noré fini par rokonèt
ké : Sé li mèm lo Christ ? »
Solman, ni koné nou, oussa moun la i sorte.
Solman, lo Christ, lèrk va vni, pèrsonn i konétra pa oussa li sorte. »
Jésus, ké trinn rouvèr léspri domoun dan lo tanmp, la krié :
« Zot i koné amoin ? zot i koné kèl koté mi sorte ?
Moin la pa vni par moin mèm, solman,lé vré,
Sak la anvoy amoin la, zot i koné pa kissa li. »
Amoin, mi koné kissa i lé pars mi sort par son koté, sé li la anvoy amoin. »
Domoun té i rod pou kapay Jésus,
Solman, la poin pèrsonn la poz la min dsi li ?
pars, son lèr té pankor arivé.
© jean volsan
