Evangile en créole du 14 mars 2024
Jeudi 14 mars 2024
Jn 5, 31-47
Lèrla, Jésus la di bann juif :
« Si mi pass témoin pou moin mèm, mon témoiniaj lé mantèr ;
Si in not i pass témoin pou moin, la, mi koné lo témoiniaj,
li fé pou moin, sa lé vré.
Zot la anvoy in lékip domoun koté Jean baptiste,
Jean baptiste la pass témoin pou la vérité.
Pou moin, sa la pa in moun i pass témoin pou moin,
solman mi koz konm sa manièr zot lé sové.
Jean la été sa, la lanmp i bril, la lanmp i bri :
Azot, zot la bien vouli èt kontan pou in ninstan ansanm, son limièr.
Parlfèt, moin nana déjà in témoiniaj lé pli gran ké sak Jean :
Sé lo bann louvraj lo papa la donn amoin pou fé ;
moin la fé sa, la, sé son bann zafèr la
i pass témoin pou moin konm koi lo papa la anvoy amoin Papa,
la anvoy amoin, la pass témoin, pou moin.
Solman, zot la jamé antann son voi, ni vi son figuir,
la, zot i lès pa son parol trouv in plas dann zot kèr,
konm zot i kroi pa dann sak lo papa, la anvoyé.
Zot i rod partou dann bann lékritir, pars zot i majine trouv la vi étèrnèl :
Parlfèt, sé lékritir la i pass témoin pou moin.
Kanta zot, zot i vé pa vni ziska moin pou gaign la vi étèrnèl.
La gloir, mi gaign pa sa ansanm domoun. Solman, mi koné azot,
zot la poin dann zot kèr lamour Bondié.
Moin la vni anvoyé par mon papa, la, zot la rofiz rossovoir amoin.
Di in moun i vien pars son prop nom, sèt la, zot pou rossovoir !
Koman zot i pouré kroir, azot i gaign zot gloir, linn rant lot,
Azot i rod pa la gloir i vien dopi lo sèl Bondié ?
Majine pa zot ké sé moink va akiz azot dovan lo papa :
Sak va akiz azot, sé Moïse,sak dann kissa zot la mèt tout zot léspoir.
An rézon, si zot té i kroir Moïse, zot noré kroir amoin,
pars sé a propod moin ké li la ékri. Si zot i kroi pa sak li la ékri,
koman zot va kroir mon Parol ? »
© jean volsan
