Evangile en créole du 12 mars 2024
Mardi 12 mars r 2024
Jn 5, 1-16
Lavé in fèt bann juif, Jésus la monte Jérusalem.
Or, Jérusalem laba, koté « la porte mouton »,
na in pisine i apèl an hébreu, Bethzatha.
El na cinq ranjé kolonn, ladsou té alonjé un kantité malades,
sak i voi pa klèr, kass in ki, invalid.
Atèrla lavé in moun té malad dopi trente huit an.
Jésus, la vi lo moun, alonjé atèrla, aprann li té atèrla dopi lontan,
Jésus la di : « èské ou vé vni bien ? »
Lo malad la réponn :
« Sénièr, moin la poin pèrsonn pou plonj a moin dann pisine la,
lèr dolo lé i kim ;lo tan mi sava, in not i désann avan moin. »
Jésus la di : « Lèv a ou, trap out brankar, marsh a ou. »
Tout suit laminn, lo moun la vni bien.
La trap son krankar : Li té i marsh !
Solman, lo zour la té in zour sabbat.
Alorse, lo bann juif la di ansanm lo moun Jésus lavé armèt dobout :
« Zordi sabbat, ou la poin lo drtoit port out brankar. »
Lo moun la réponn azot :
« Sak la fé vni a moin bien, la di amoin : Trap out brankar, marsh aou ! »
Zot la poz kèstion :
« Kissa lo moun la di aou : « Trap out brankar, marsh aou ? »
Solman, lo moun la été guéri la, té i koné pa kissa lété ;
Parlfèt, Jésus, té fine dékalé, pars lavé in kantité domoun atèrla.
Apré sa, Jésus i artrouv lo moun dann lo tanmp, la di :
« Astèr ou fine vni bien, pèsh pi, i pé ariv a ou zafèr pli pir. »
Lo moun la parti di bann juif té Jésus lavé fé lo guérizon .
Almorse bann na té ki, ral-ral lo kont èk Jésus,
pars Jésus lavé fé sa lo jour sabbat.
© jean volsan
