Evangile en créole du 11 mars 2024
Lundi 11 mars 2024
Jn 4, 43-54
Lèr la, fine pas dé jour ansanm bann samaritains, Jésus la parti an Galilée la ba.
Jésus mèm lavé fé romarké, in profèt la pa bien konsidéré, dann son prop péï.
Lèr la ariv an Galilée ;
bann domoun la Galilée, la bien rosoi Jésus, pars zot lavé vi tout sak li lavé fé
Jérusalem dann tan la fèt Pâques, zot ossi lavé parti la fète la.
konm sa Jésus la artourne Cana an Galilée, la oussa li lavé shanj dolo an vin.
Or, lavé in roprézantan lo roi, son garson té malade Capharnaüm.
Li la koni ké Jésus té ariv dopi la Judéeen Galilée, le moun la parti oir;
la domann Jésus désann Capharnaüm pou guéri son garson té an trinn mor.
Jésus la di : « Si zot i voi pa sinial, zafèr éstrordinèr, zot la pa pou kroir mèm ! »
Lo roprézantan lo roi la di :
« Sénièr, désann avan mon zanfan i mor ! »
Jésus la réponn : « Alé aou, out garson lé vivan. »
Lo moun la kroir lo parol jésus lavé di, la parti.
Lèr li té i désann, son bann sèrvitèr, la vni shersh lo moun, pou di son zanfan té vivan.Li la
vouli konèt kèlèr lo marmay la trouv in mié.
Zot la di :
« Yèr sa, lo sétièm lèr (komansmanlapré midi),
Lo marmay lavé pi la fièv. »Lo papa la konpri, té zistoman lèr oussa
Jésus lavé di :« out garson lé vivant. »
Alorse lo moun la kroir,ansanm tout domoun té i abit son kaz.
sa té lo dézièm mirak Jésus la fé, lèrk li la sorte la Judée, pou alé an Galilée.
© jean volsan
