Evangile en créole du 07 mars 2024
Jeudi 07 mars 2024
Lc 11, 14-23
Lèr la, konm Jésus lavé poursuiv in démon, lavé rann in moun an parlpa,
lèrk lo démon la sorti, lo parlpa, la kozé.
Domoun lété an admirassion, solman, dé sèrtin la di :
« Sa sé par Béelzéboul, lo shèf bann démon, li poursuiv bann démon. »
Dot, pou sonn Jésus mèt dann malizé,
lété ki réklam in sinial té ki sorte dann sièl.
Jésus, té ki koné zot majinasion, la di azot :
« Tout nasion divizé kont li mèm, i vien in dézèr, son bann kaz i kalbit inn par dsi lot.
Si satan, li ossi, li lé divizé kont li mèm,
par koman son royonm va ténir doboute ?
Parlfèt, zot i di sé par Béelzéboul mi poursuiv bann démon.
Solman, si sé par Béelzéboul mi poursuiv bann na,
Zot bann disip, i poursuiv bann na par kissa ?
Astèr, bann na la mèm i sora zot bann prop juj.
Solman, si sé par lo doi Bondié, mi poursuiv bann démon, sa i vé dir,Lo règn Bondié la vni
ariv ziska zot.
Lèrk in moun for, bien armé, i vèy son palé, tout son bien lé an sékirité.
Solman, si inn, pli fork li i ariv i bat boug la, i tir tout lobann zarm, li té i fié déssi,i partaj tout
sak la vniabou pran.Sak lé pa ansanm moin, li lé kont moin ;
Sak i mèt pa tout ansanm èk moin, li fane partou., li dispèrs.
© jean volsan
