Evangile en créole du 04 mars 2024
Lundi 04 mars 2024
Lc 4, 24-30
Dann sinagog Nazareth laba, Jésus la di :
« Amen, mi di azot :
la poin i profèt in trouv in bon résèpsion dann son péï.
Fransh vérité mi di azot :
Dann tan profèt Elie, lèrk pandan troizan édmi lo sièl la tienbo la pli,
in gran-gran famine la éspass si tout la tèr,
lavé in gro paké fanm vèv an Israël laba ;
Solman , la pa anvoy Elie pou okèn rant èl, solman la bien anvoy Elie dann la vil
Sarepta la ba, ann péï Sidon,la kaz in vèv étranjèr.
Dann tan lo profèt Elysée, lavé in bonpé domoun lavé la èp dann Israël;
solman la poin okèn rant zot la vni bien,
plito Naaman lo moun té i sort la Syrie laba. »
Antann bann kozman, dann lo sinagog, zot tout zot kolèr la monté. Zot la lévé,
la pous Jésus an déor la vil, zot la amèn Jésus ziska in rampar la o oussa zot vil
lété bati pou jèt Jésus dann fond.Solman, li pass dann milié zot tout té i ashèv
son shomin.
