Evangile en créole du 03 mars 2024
Dimanche 03 mars 2024
Jn 2, 13-25
Konm la Pâque bann juif té i tard pa, Jésus la monte Jérusalem.
Dann lo tamp, li la trouv atèrla, vandèr bèf, mouton ansanm kolomb,
Lavé ossi ossi bann shanjèr larjan.
Jésus la fé in shabouk ansanm bann kord, la poursuiv zot tout an déor lo tamp,
ansanm lo bann mouton, lo bann bèf ; la jèt atèr la moné lo bann shanjèr larjan,
shavir zot bann tab, Jésus la di ansanm lo bann vandèr kolomb :
« Tir toussa la atèrla. Arèt fé ansanmb la kaz mon papa in boutik. »
Son bann disip la fé souvnans lé ékri : Lamour pou out kaz i sora mon tourman.
Bann juif la vni rod lo kont: « Kèl sinial ou pé donn anou pou avoir lo droi fé
sak ou fé la ? »
Jésus la réponn azot :
« Dégrèn lo tamp la, alorse, an troi jour, ma fé arlèv sa. »
Bann juif la réponn :
« la fali quarante six zans pou bati tamp la, aou , an troi jour, ou va fé arlèvé ! »
Solman Jésus, té i koz lo tamp son kor.
Alorse, lèr li la arsorte dann péï la mor,
son bann disip la rapèl azot, li lavé di sa ;
Lèr la zot la kroir lékritir ansanm sa parol Jésus lavé di la,lo tan li lété Jérusalem
Pou la fèt paque.
In bonpé la kroir dan lo nom Jésus, oir lo bann sinial li té i fé oir .
Jésus, li té i fé pa in kont ansanm zot, pars li té i koné zot tout
Li lavé pa bézoin témoiniaj si lonm li mèm.
Parlfèt, li té i koné kossa nana dann lonm.
© jean volsan
