Evangile en créole du 01 mars 2024
Vendredi 01 mars 2024
Mt 21, 33-43.45-46
Lèr, la, Jésus la di bann gran prèt èk bann lansienlo pèp,Akout parabol la :
Un moun lavé i bitasion, la plant rézin, la mèt palisad otour, la fouï in présoir,la bati in nafèr an otèr pou niabou vèy son plantasion.
Aprésa, la loué sa bann plantèr rézin, li la partivoyajé.
Lèrk lariv lo tan ramassé, li la anvoy son sèrvitèroir lo bann plantèrpou donn son par bitassion la lavé raporté.
Solman, lo bann plantèr, la kapay bann sèrvitèr, latap inn, la tié lort,shaboul a mor lo troizièm kout galé.
Ankor in foi, propriétèr la anvoy dot sèrvitèr, laanvoy plis ké lo promié foi.Solman, plantèr la fé parèy ansanm bann na.
An fin, propriétèr la, la anvoy son garson, majine:« zot va réspèk mon garson. »
Alé oir, lèrk zot la vi lo garson, lo bann plantèrla di azot rant zot :« Voila lo léritié:Vien a zot anon kine lo garson,na gaign son léritaj.Zot la kapaye lo garson, zèt an déor lo plantation,tié lo garson.
Alorse, lèrk lo mait bitasion la va vni, kossa li va fé ansanm bann plantèr la ?domoun la réponn :
« So bann mizérab, li la fé mor azot an mizèr zotossi.Va loué la tèr la dot plantèr, va donn son par lèrkva ariv lèr.Jésus la di azot :
Zot la jamé lir dann bann Lékritir :
« sa lo rosh lo bann masson la mèt par koté, la vnilo sèl zarboutan ;sa louvraj Bondié, son mèrvèy dovan nout zié !
Konm sa mèm, mi di azot va tir royonm Bondié ansanmzotpou donn in not nasionva fé port bann frui. »
Antann sa bann kozman Jésus la, lo bann gran prèt ansanm lo bann Pharisiens lavé bien konpri té i koz pou zot.
Mèm tan zot té ki rod in manièr pou trap Jésus,
Zot lavé pèr lo foul domoun,par bann na té i kroi Jésus té in profèt.
© jean volsan
