Evangile en créole du 27 fevrier 2024
Mardi 27 février 2024
Mt 23, 1-12
Lèr la, Jésus koz ansanm domoun, èk son bann dalon, la di :
« Bann léskrib ansanm bann pharisiens,
if é zot lamontraj dapré lotorité Moïse.
Tout sak bann na i pé di azot, fé, réspèk sa bien.
Solman, fé dapré sak bann na i fé, pars zot i di, solman zot i fé pa intiorke.
Zot i amar bèl-bèl paké, malizé pou porté,
zot i mèt sa dsi lo do domoun pou porter. Solman, azot mèm,
zot i vé pa bouj sa srèss ansanm zot doi.
Toute sak bann na i fé, zot i fé sa pou fé romark azot par domoun ;
zot i agrandi zot bann protèksion, i agrandi la toile zot bann moulir ;
Zot i èm bann plas donèr dann fèstin, promié ran dann bann sinagog.
Gran-gran bonzour an piblik dann shomin. Zot i èm lèr domoun i kri azot Rabbi.
Kant azot, fé pa kri azot mait, pars zot na in sèl maitpou fé aprann azot,
zot tout lé frèr.
Donn pa pèrson si la tèr, lo non pèr, pars zot na in sèl pèr, sak lé dann sièl.
La pa bézoin non pli fé kri azot mait, pars zot nana in sèl mèt, lo Christ.
Lo pli garn rant zot, i sora zot sèrvitèr.
Sak va rod pou èt an lèr, i sora rabésé,
sak va rèt atèr, i sora mèt an lèr. »
©jean volsan
