Evangile en créole du 24 fevrier 2024
Samedi 24 février 2024
Mt 5, 43-48
Lèrla, Jésus té i di èk son bann disip :
« Zot la apprann la di :
Ou va èm out proshin ou nora la èn pou out zènmi. »
Ben amoin mi di azot :
« Em zot bann zènmi,
prièr pou bann sak i fé pas azot martir,
Manièr, zot lé vréman zanfan zot papa dann sièl ;
Pars li fé lèv solèy si bann sak lé mové, si bann sak lé bon,
Li fé tonmb la pli si bann sak lé just konm si bann sak i mérit pa.
Parlfèt, si zot i èm sak i èm azot, kèl rékonpans zot imérit ?
Bann publicains i fé pa konsa mèm zot ?
Si zot na in bonjour rienk pou zot bann frèr,
kossa zot i fé déstraordinèr ?
Bann payin i fé pa konsa mèm zot ?
Azot alorse, Zot i sora parfé
konm zot papa dann sièl lé parfé.
©jean volsan
