Evangile en créole du 23 fevrier 2024
Vendredi 23 février 2024
Mt 5, 20-26
Lèr la, Jésus té i di son bann disip :
« Midi azot, si zot zistis la pa méyèr sak bann scribe
ansanm sak bann Pharisiens, zot i rant arpa dann royonm lo Sièl.
Zot la aprann, la di ansanm bann pli vié :
« ou tié arpa pèrsonn »
alorse, si in moun i tié in not moun,
i fodra li pass an jujman.
Ben amoin, mi di azot :
Nimporte kissa va pran kolèr kont son frèr,
i fodra li lé jujé,
Si in moun i zir son frèr, li va pas dovan tribinal.
Si in moun i trèt in not moun lo fou,
li riskab dofé lanfèr.
Alorse, lèrk ou sava amèn out lofrann lotèl,
si ou rapèl out frèr na in nafèr pou roprosh aou.
Larg out lofrann lamèm dovan lotèl,
Alé aou avan armèt aou bien ansanm out frèr.
Aprésa, arvien aou prézant oute lofrann.
Mèt aou vitman dakor ansanm out ladvèrsèr, lèrk ou lé dann shomin èk li,
tansion, out ladvèrsèr i trènn aou dovan lo juj,lo juj dovan lo garde,
i fout aou la jol :Amen, mi di aou :
ou sort arpa avan ou nora fine pèy ziska lo dèrnié sou. »
© jean volsan
