Evangile en créole du 22 fevrier 2024
Jeudi 22 février 2024
Mt 16, 13-19
Lèr la, Jésus la ariv dann la réjion Césarée-de -Philippe,
la domann son bann dalon :
« Dapré sak domoun i di la, Kissa i lé lo Fis de lonm ? »
Zot la réponn :
Pou sèrtin, Jean Baptiste, pou dot Elie,
sankoi Jérémie, sankoi an parmi bann profèt. »
Jésus la domann azot :
« é azot, kossa zot i di zot ? Pou zot, kissa mi lé ? »
Alorse Simon-Pierre la rouv la boush pou di :
« Aou, lo christ, Lo garson Bondié vivant ! »
Rouv la boush son tour, Jésus la di:
« bienéré aou, simon garson Yonas :
la pa la shèr ansanm lo sang la la fé konèt aou sa,
Sa papa dann sièl la fé konèt aou sa. »
E amoin mi di aou : Aou pierre, lo rosh
alorse si lo rosh la , ma bati mon légliz ;
La puissans la mor i pourra pa rien kont légliz la.
Ma donn aou la klé royonm lo Sièl :
Tout sak ou nora amar ansanm si la tèr,
i sora amaré ansanm dann sièl,
Tout sak ou nora démar ansanm si la tèr,
i sora démaré dann sièl. »
© jean volsan
