Evangile en créole du 21 fevrier 2024
Mercredi 21 février 2024
Lc 11, 29-32
Dann tan la, konm lo bann foul domoun té i amass,
Jésus la di:
« Sa jénérasion la, sa in mové jénérasion sa, èl i rod in sinial,
solman an plas sinial, i sora donn aèl lo sinial Jonas.
Pars Jonas lété in sinial po bann domoun Ninive laba ;
i sra konm sa mèm ansanm lo Fis de lonm pou sa jénérasion la.
Lèr lo jujman, la rèn de Saba va drès aèl an mèm tan domoun jénérasion la,
alorse, aèl, èl va kondann azot.
Parlfèt, èl la sort lot koté la tèr pou akout la sajès Salomon,
alork atèrla nana bien plis, ké Salomon.
Lèr lo jujman, bann domoun Ninive laba, va lèv an mèm tan sa jénérasion la,
zot va kondann aèl ;
parlfèt, zot la shanj zot kèr, pou réponn sa kozman Jonas la di,
alor ké atèrla nana bien plis ké Jonas.
© jean volsan
