Evangile en créole du 20 fevrier 2024
Mardi 20 février 2024
Mt 6, 7-15
Lèrla, Jésus té i di son bann disip :
« Lèrk zot i prièr, répèt pa pou soul zorèy konm pann payin,
zot i majine afors répét zot bann parol, va akout azot.
Fé pa konm bann na,
pars, zot papa i koné kossa zot la bézoin avant mèm zot la domandé.
Alorse, azot, prièr konmsa :
Aoun out papa dann sièl
Amont vréman kissa ou lé
Fé klèr bardjour out royonm
Fé viv out volonté,
Partout toultan parèy dann sièl
Donn anou zordi, jour pou jour,
nout manzé pou la vi
Pardonn anou lo tort nou la fé
Konm nou ossi, ni pardonn lé zot
Lès pa nou amay anou dann tatasion
Mé tir anou dann malizé
Pars si zot i pardonn domoun zot mankman,
Zot papa dann sièl va pardonn azot ossi.
Solman, si zot i pardonn pa domoun,
Zot papa non pli i pardonn arpar zot,
zot fot. »
© jean volsan
