Evangile en créole du 15 fevrier 2024
Jeudi 15 février 2024
Lc 9, 22-25
Lèr la, Jésus té i di son bann disip :
« I fo lo fis de lonm i soufèr in bonpé,
li lé rojoté, par bann zansien lo bann gran prèt, lo bann léspésialis la rolijion,
i tié lo fis de lonm, la, lo trozièm jour, li réssissit. »
Jésus té i di zot tout :
« Sak i vé marsh ansanm moin,i fo li ronons sak li lé,
li pran son kroi, tou lé jour, li suiv amoin
Pars, sak i vé sov son vi, va pèrd sa la vi la ;
solman, sak va pèrd sa son vi la akoz de moin,
li va sov son vi. »
Kossa in moun nora a gaign,
lo mond an antié,
si li pèrdsak li lé,
li fini ansanm li par li mèm ? »
© jean volsan
