Evangile en créole du 11 fevrier 2024
Dimanche 11 février 2024
Mc 1, 40-45
Lèr la, in moun lavé la lèp la vni koté Jésus ; siplié, tonmb ajnou pou di Jésus :
« Si ou vé, ou pé guéri amoin. »
Pran pitié, Jésus la avans la min, toush lo moun la di:
« Mi vé, vien aou bien. »
Tout suit la lèp la larg lo moun, li la vni bien.
Sèrié, Jésus la di lo moun alé tout suit la mèm. Jésus La di :
« Tansion-pangar aou, alé pa di sa pèrsonn, solman, alé fé oir aou lo prèt,
donn in lofrann pou out guérizon. Sak Moïse la di i fo doné dapré la loi.
La, sa i sora in témoiniaj pou bann na. »
Solman, dèk li la sort la, Lo moun la parti kri sa for partou, fane lo nouvèl ,
si tèlman, Jésus té i pé pi rant franshmn dann in vil, an rézon li té i arèt an déor dann bann landroi dézèr. domoun té i sort tout koté pou vni ziska Jésus.
© jean volsan
