Evangile en créole du 10 fevrier 2024
Samedi 10 février 2024
Mc 8, 1-10
Lo jour la, konm lavé ankor in gropaké domoun,
bann na lavé poin arien pou manjé,
Jésus i kri son bann disip, li di azot :
« moin na pitié pou toussa bann domoun la, pars dopi troi jour,
bann na i arèt ansanm moin, zot la poin arien pou manjé.
Si mi di azot, alé zot kaz san manjé , zot va tonmb féblèss dann shomin,
na dé sèrtin la vni dopi loin-loin.
Bann disip a réponn :
« Oussa trouv dekoi, ranpli zot vant dopin , atèrla, dann dézèr ? »
Jésus la domann azot :
« Konbienn pin, zot nana ? »
zot la di :
« Sept, «
Jésus la di lo bann domoun asiz atèr.
Aprésa, pran lo sept pin, gran mèrsi Bondié, Jésus té i kass lo bann pin par bout, li té i donn son bann disip, pou bann na ofèr sa domoun.
Zot la ofèr sa tout la foul…
Lavé ossi détroi pti poisson. Jésus la béni, aprésa, la di donn domoun ossi....
Zot tout la manjé, zot vant plin.
Aprésa la ramass bann morso lévé arété : Lavé sept korbèy ;
Parlfèt, zot lété apépré quatre mil.
Aprésa, Jésus la di azot alé ;
Tout suit la mèm, mont dann kanot ansanm son bann dispi, Jésus la parti dann lo réjion, Dalmanoutha laba.
© jean volsan
