Evangile en créole du 06 fevrier 2024
Mardi 06 février 2024 Mc 7, 1-13
Lèr la, Bann Pharisien ansanm détroi scribes té i sort Jérusalem,
la mèt azot ansanm koté Jésus.
Zot i oi désèrtin disip té i manj, ansanm bann min sal, sé a dir, san lav zot min.
Parlfèt, bann Pharisien, konm toutbann Juif,
i pran prékosion pou lav zot min, manjé,pars
zot na labitid réspèk tradision bann zansien.
Lèrk zot i sort bazar, zot i manj pas si zot la pa pran gran prékosion
pou lav zot bann min ;
nana ossi in bonpé dot pratik zot tradision pou kossa zot na bann labitid la :
bann manièr éspésial lav bann koup, bro, pla.
bann Pharisien ansanm lo bann Scribe, la domann Jésus :
« Akoz out bann disip, zot i réspèk pa la tradision, bann zansien, ?
solman, zot i manj zot manjé ansanm bann min sal ?
« Jésus la di azot :
« Isaïe, la bien kozé pou zot, bann lipokrit,
pars, lé ékri :
Lo pép la i réspèk a moin sanm la boush, solman son kèr lé loinn moin ;
Sé pou rienk zot na in rolijion pou moin, pars lo bann prinsip zot i donn,
sa arienk bann loi domoun. Zot i lèss par koté, komannman Bondié,
zot i tienmbo ansanm pou bann tradision domoun.
« Jésus la di azot ankor:
« Zot i rofiz, bèl é bien lo komannman Bondié, pou zot gard zot tradision.
« Pars, Moïse la di :
« Aoir réspé pou out papa, out momon,
ankor :
sak li jir son papa, son momon, nora la mor konm pinission. »
Solman, zot zot i di :
« si in moun i di son papa sankoi son momon :
« lo sokour ou dové gaign ansanm moin pou èd aou
lé Korban, sa ivé dir : in lofrann rézèrvé pou Bondié… »
Zot i otoriz pi lo moun fé arien pou son papa, sankoi pou son momon.
Konm sa, zot i éfass parol Bondié akoz Lo tradision zot i transmèt .
zot i fé ankor in bopé zafèr konmsa sa. »
© jean volsan
