Evangile en créole du 03 fevrier 2024
Évangile de Jésus Christ traduit en créole Réunionnais.
Samedi 03 février 2024
Mc 6, 30-34
Lèr la,
lo bann dalon la vni koss koté Jésus,
ézot té ki di tout sak zot lavé fé,
tout zafèr zot lavé amontré .
Jésus la di azot :
« Vien azot in pé alékar in landroi dézèr,
ropoz a zot in pé. »
Parlfèt, sak té ki ariv , ansanm bann sak t
é i sava, lété in kantité,
si tèlman, lavé mèm pi lo tan pou manj in boushé.
Alorse, zot la mont dann in kanot
pou alé in landroi a lékar.
Domoun la vi a zot alé,
in bonpé la konpri zot lintansion.
Alorse, a pié, dopi tout bann vil,
zot la kour dvan,
zot la ariv lot koté avan bann na.
Désann à tèr, Jésus la vi in kantité domoun.
Son kèr la tonbé pou zot,
pars zot lété konm bann mouton la poin
bèrjé.
Alors, li la rouvèr zot lintélizans, lontan-lontan
©jean volsan
