Saint Jean 7,2.10.14.25-30

La fêt "Succot", la fêt cabân té pa lwin arivé.
Lek lö bann frèr Jézus té fini m'ont Jéruzalem pou la fèt, Jézus osi la monté, soman li té vé pa fé war person, li la parti en misouk.

Té fini ariv moitié la semèn la fêt lèr Jézus la mont le Templ, é la la donn son lanseyman.

Détrwa moun Jéruzalem té komans di :

" lé pa Ali minm bana i vé mèt à mort ?
Pars, agard là, Li pran la Parol konmsa, dovan tout domoun, é la person i di Pa ryin !
Bann shef lë peup noré pa pran Ali pou lö Mesi pou pou vréman talèr ?
Soman, nou, nou koté kel koté li sort.
Mé lö Mesi lèr li va vni, person i devré Pa konèt ousa li sort ."


Jézus, té apo enseygn dan le tamp, la di for :
"Zot i koné amwin ?
Zot i koné kel koté mi sort q,
Mwin lé Pa vnü par Mwin minm : soman, sak la anvoy amwin i di la vérité, zot, zot i koné Pa Li.

Amwin, mi koné Ali, pars mi sort par koté d' Li,
É sé Ali minm la envoy amwin pou zot."

Domoun té rode in manièr fé arèt ali,
Soman person la pa poz la min desü li,
Pars son lèr té pokor arivé.


Pou réfléshi, pou fé in joli prière :

Jézus i koné li déranj,
Sa Parol, son lenseygnman i boulvers tro,
Pars do moun lé oblijé komprann li lé le Messi, le garson le Papa dann syel,
An plis lé minm pa li i di, mé do moun lé oblijé war, oblijé komprann.

Soman, le ker do moun lé dür :
Koman in Marmay Nazreth i pé di li lé zanfan Bondié...
Lé vré, li lé in moun i sort Nazareth,
Mé li vé fé konprann li sé ini moun i sort Pa pli loin,
Mé o kontrèr pli pré tout do moun,
Li sort dann ker lö Papa-dann-Syel,
É par Li, le Papa-dann-Syel i vé amont anou, li lé pli pré de nou.

Sénièr, merci,
Nou koné ou lé zis koté nou,
Amont anou le shemin i aminn anou dann ker Bondié Nout Papa-dann-Syel,

Amen

source : Jean Denis FERRERE op

Posté le : 04/04/2014